سيادنا الخير ديالكم غرقنا فيه
و حنا شعب ما قدرينش عليه
الإنجازات ديالكم بزاف علينا
و كيما كاتعرفو حنا شعب عزيزة عليه الروينا
عافاكم إلى ما رحمونا، فهمونا
عافاكم عافاكم عافاكم إلى ما غبرو شوية علينا
بغينا و لو غي يومين
بغينا نجربو ناس خرين
يكونو هاد لمرة مووسخين
يكونو شفارة و متكبرين
بغينا نذوقو شوية ديال الاضطهاد
شوية ديال شفرة أو شوية ديال لفساد
بغينا شي إرهابيين متحدين مع لموساد
بغينا ألناس لي تبيع لبلاد و تاكل العباد
ولا نقولكوم حل أخر
هاد شعب رموه لبحر
بقاو بلاستكوم أو نجيبوو شعب أخر
يكون هاد لمرة عما صمك وما يهضر
يقول كايحضنوني منين تخنقوه
يقول كاينصحوني منين تسبوه
يقول كايبغيوني منين ضربوه
يقول العام زين منين تقتلوه
