تمنيت نكتبلك أغنية الزوينة ديالي
على وزن الحب القمر أو اليالي
بالريشة ولا ستيلو بيك
نكتبلك قصيدة ونقولك
مالكري تو بلادي نبغيك
==========
لكن جاو داروني فبلانشا
عطاوني معيلقة و قالو لي زيد القدام
مين نقلو را,را
ومين نقولو شا,شا
دير فينا كونفيونس
راك غادي لبلاد الأحلام
==========
عاودت فراسي كولشي ليسطوار
لقيت لقصة ما عندها ساس ولا راس
ملي ديت الديبلوم وانا معمر ليطروطوار
وقلت ندبر على راسي كيفي كيف الناس
==========
جمعت فليسات وسلفت أخرين
وهانا داب فوسط هذ الخربة
كي ذبان مزاحم مع عشرين
زرب علينا لباسور ولد ال.....
==========
قلت ندير لوراق ونجمع الملايين
نجيب داروطوموبيل كلاص
درت مورايا وعيوني دامعين
قلت فخاطري درتيها يا قاصح الراس
خسرت فيها مال الولدين
بغيت نضربها بسلتة لكن جا وقت الخلاص
==========
Aucun commentaire:
Enregistrer un commentaire