كان يا مكان واحد الرباعة حرشة
الشاف ديالهم سميتو عباس الفاسي
وجوهم ماتستاهل غي واحد الطرشة
هما ناشطين والشعب كايقاسي
أجيو نبداو مع السلم البرتوكولي
اليازغي والعنصر مالين الساكاضو
أش كيديرو تم هالعار غي قولولي
ولا باش يسكتوهم عطاوهم كاضو كاضو
وهداك الراضي مول العدل
كذب كذبة كبيرة و خذا الإتحاد
فإصلاح القضاء بان بلي سطل
هدشي كامل والشعب مازال ما ناض
أما بنموسى مول الداخلية
"لكل مواطن بوليسي" رافعو شعار
هبر هبرة كبيرة فقانون المالية
والشعب مسكين مكوي بنار الأسعار
الثاني فعائلة الفاسي سميت الطيب
كيما كيقولو لافامي دابور
الحمدولله ما راناش فشي حرب
حيت هو مع ليهود أمي بور توجور
هانا دابا مع السي التوفيق
لمكلف قاليك بالاوقاف وشؤون الإسلامية
سكت الصوامع لا لغاورية تفيق
لاتيلي فالجوامع ورجعنا لزمان الزوايا
واش كتعرفو شكون هو الأمين العام
فانترنيت لقيت سميتو الضحاك زين السمية
لوكان نقلب فالديكسيونير عام
مانلقاش بحال سميتو باش نوصف هد الحكيكيمة
Aucun commentaire:
Enregistrer un commentaire