لغراب و الديب

السي لغراب جالس فوق الشجرة مقسر
فمنقارو وليمة ناقصها غي براد مشحر
داز الديب عيان وعلا كرشو مزير
شاف لوليمة و ريوقو سقاو الشجر
قال للغراب سلام علا سيد الطير
الا كان كيف الصوت كيف هاد الريش لزعر
نحلف بالله الا تكون مليك وما يليق بيك غي قصر
لغراب هداك ما سمع نعق نعقة تهرس لحجر
لوليمة طارت نيشان فكرش مول الزهر
الديب ملي شاف الطير تقهر
قاليه لهبيل الي يسمع لمداح الا هضر
لوليمة مشات ولاكن سمع للنصيحة تنصر
لغراب دار الراس ديال للي غادي لقبر
حلف حلفة حتي يدير من هد القصة شِِعرِِ