جيت من لخدمة وحكيتيلي نهارك
لعبتي معايا وقبشوني ظفارك
درتيني كلون ودرتيني حمارك
ملي جا وقت نعاس مشات الضحكة ديالك
.........
نـــــــــــــــنـــــــــــــــي يامــــــــــــومـــــــــــــو
.........
ودابا ساعة مللي سالا البيبرون
خاصك دابا تغمضي لعيون
راه قريب يبدا لفيلم فتليفزيون
نعسي ولاغادي يطردني لباطرون
.........
نـــــــــــــــنـــــــــــــــي يامــــــــــــومـــــــــــــو
.........
غنيتليك لغناية ديال الأميرة والأمير
وحكيتليك لقصة ديال القط الصغير
نعسي أبنتي راه هادشي كثير
نعسي ولا......غادي نرميك فلبير
.........
نـــــــــــــــنـــــــــــــــي يامــــــــــــومـــــــــــــو
.........
سمحيلي ولاكن مالقيتش القافية
سمحيلي و لاكن عياو يديا
سمحيلي ولاكن نعسات عينيا
سمحيلي ولاكن..... نعسي خلاص عليا
.........
نـــــــــــــــنـــــــــــــــي يامــــــــــــومـــــــــــــو
.........
أه الحمدولله عينيك تغمضو
طلقتي من يدي وعنقتي الدودو
ولاكن صبح الصباح خصنا نوضو
نشرب قهيوتي وندير حواجي فساكاضو
Aucun commentaire:
Enregistrer un commentaire