خوتي عليكم السلام
سمحولي الا ديرونجتكم
ما بقالي والو على ربعين عام
وبغيت نفضفض معاكم
قالولي زدت السبعينات سنوات المسيرة
كيسميوهم دروك سنوات الرصاص
ما عدت فاهم والو فهاد الحريرة
واش ما كان ما يتفهم أولا أنا لقاصح الراس
كانت التلفزة بلونوار
الفراكة والجفنة كانولصابون
الضو مازال ما دخل لكل دار
و كان فالدوار واحد تيليفون
من بعد ولات التلفزة تتحرك
ولدراري دارو قناة صغيرة
الجفنة ولات كدردك
وبنت الجيران ولات كبيرة
من بعد دخلات الضو حتى لدجاج
والوالد شرا طوموبيل
ف 86 لمهدي فاريا درلينا تاج
وبنت الجيران غادية كتميل
فالتسعينات طاحت بغداد
ب500 عام سبقتها غرناطة
الستيلو ولا بلصت لمداد
وبنت الجيران ولات ساطة
ديت الباك ف 93
العائلة كاملة فرحات
دخلت لبريبا ف 94
وبنت الجيران تزوجات
بعد عامين ديال لماط والفيزيك
الضرسة وجعاتني نهار الكنكور
دخلت ليكول كبيرة فلبيبليك
سميتها المحمدية وانا سميتي جنيور
Aucun commentaire:
Enregistrer un commentaire