توحشتكم

دخلت عندكم للدار هاذي شحال ما شفتكم

حيت توحشت لولاد وحتى توما توحشتكم

نتفكرو زمان ونتفرجو تصاور عرسكم

لكن مع فم الباب ما عرفت حتى واحد فيكم

السكات لجم فمي كيف الدم لجم فمك

ويدي تشلا ت وما قديتش نقيسك

والدموع ديالي لحقو الدموع ديالك

قلبت على كليمات نمسح على جروحك

سكران ولا صاحي من هذي سنين

على أي سبب صغير يحمرلك لعينين

إلا ما رعفكش يهرسلك السنين

ومين طيحي لأرض يكمل بالرجلين

بنتكم مور الباب واقفة مرعوبة

وخوها يقوليها ماتبكيش أحبيبة

ماتخافيش أختي راه هاداك غير بابا

واخا ماما كتبكي راهادي غير لعبة

عقلي ما بقى قادر على التفكير

هذا شماتة كيحساب راسو كبير

هذا وحش هذا ....هذا رجل حقير

ماشي هاذا ولدي للي رضعتو صغير